VIDEO: ઉકાઈ ડેમમાં પાણીની આવક: હથનૂર અને પ્રકાશા ડેમના દરવાજા ખોલાયા
છેલ્લું અપડેટ : 01 Aug 2026
સોર્સ : gstv
ગુજરાત અને મહારાષ્ટ્રમાં ભારે વરસાદી માહોલ વચ્ચે તાપી નદી પર આવેલા ઉકાઈ ડેમના ઉપરવાસમાંથી મોટા પ્રમાણમાં પાણી છોડવામાં આવી રહ્યું છે. મહારાષ્ટ્ર અને મધ્યપ્રદેશમાં સતત પડી રહેલા વરસાદને કારણે ઉકાઈ ડેમમાં પાણીની ભરપૂર આવક નોંધાઈ રહી છે. મહારાષ્ટ્રમાં આવેલા હથનૂર ડેમના 41 દરવાજા ખોલીને અંદાજે ત્રણ લાખ ક્યુસેક જેટલું પાણી છોડવામાં આવી રહ્યું છે, જ્યારે પ્રકાશા ડેમના ચાર દરવાજા પૂરા અને 19 દરવાજા અડધા ખોલીને પાણી છોડવામાં આવી રહ્યું છે. ઉપરવાસમાંથી છોડાયેલું આ તમામ પાણી સીધું ઉકાઈ ડેમમાં આવશે, જેને લઈને તંત્ર દ્વારા ડેમની સપાટી પર સતત નજર રાખવામાં આવી રહી છે અને નીચાણવાળા વિસ્તારોને પણ એલર્ટ રહેવા સૂચના આપવામાં આવી છે.
