VIDEO: પગાર ન ચૂકવાતા સતત બીજા દિવસે પણ સિટી બસની મહિલા કર્મીઓ હડતાળ પર
છેલ્લું અપડેટ : 05 Oct 2025
સોર્સ : GSTV
VIDEO: છેલ્લા ત્રણ-ત્રણ મહિનાથી પગારથી વંચિત મહિલા કંડકટર્સ સતત બીજા દિવસે હડતાળ પાડી હતી. પગાર ન ચુકવાતા મહિલા કર્મચારીઓ કામ પર ન લાગી જેથી મુસાફરોને હાલાકી વેઠવાની વારો આવ્યો હતો. એકતરફ રાજ્ય સરકાર મહિલા સશક્તિકરણની વાત કરે છે જ્યારે બીજી બાજું મહિલાઓનું શોષણ કરવામાં આવતું હોવાનો મહિલા કંડકટર્સ દ્વારા કરવામાં આવ્યો છે. સુરેન્દ્રનગર શહેરની સિટી બસ અગાઉથી વિવાદમાં છે ત્યારે હડતાળને લીધે બળતામાં ઘી હોમાયું છે.
સુરેન્દ્રનગર શહેરમાં સિટી બસ શરુ કર્યાને નવ મહિના જેટલો સમય થયો હોવા છતાં હજુ પાર્સિંગ નથી કરવામાં આવ્યું. ગેરકાયદેસરત સુરેન્દ્રનગર શહેરના રોડ-રસ્તાઓ ઉપર સિટી બસો દોડી રહી છે. ટ્રાફિકના નિયમોનો ઉલાળિયો છતાં તંત્રનું ભેદી મૌન સામે આવ્યું છે. પગાર ચૂકણી કરવામાં આવશે ત્યારબાદ મહિલા કર્મીઓ કામ પર ચડશેની ચીમકી મહિલા કર્મચારીઓએ ઉચ્ચારી છે.
