VIDEO: સુરેન્દ્રનગર LCBએ લીંબડીમાંથી ૫૬ તોલા સોનાના બિસ્કિટની ચોરીનો ભેદ ઉકેલ્યો, ૮૫ લાખનો મુદ્દામાલ જપ્ત
છેલ્લું અપડેટ : 19 Sept 2026
સોર્સ : gstv
સુરેન્દ્રનગર લોકલ ક્રાઈમ બ્રાન્ચે લીંબડીમાં થયેલી ૫૬ તોલા સોનાના બિસ્કિટની મોટી ચોરીનો ભેદ ઉકેલી નાખ્યો છે. રામદર્શન સોસાયટીમાં આવેલ મકાનમાંથી ચોરાયેલા ૮૩ લાખની કિંમતના સોનાના બિસ્કિટ સહિત કુલ ૮૫ લાખથી વધુનો મુદ્દામાલ કબજે કરવામાં આવ્યો છે. મકાનમાલિકને ત્યાં નોકર તરીકે ફરજ બજાવતા શખ્સોએ જ ચોરી કરી હોવાનો મોટો ધડાકો થયો છે. ઘટના બાદ મકાનમાલિકે ૩ મહિના સુધી ભુવા પાસે આંટા માર્યા હતા, પરંતુ પરિણામ ન મળતા આખરે પોલીસને રજૂઆત કરી હતી. પોલીસે ત્વરિત કાર્યવાહી કરી ચાર પુરુષ અને એક મહિલા આરોપીની ધરપકડ કરી લીંબડી પોલીસ સ્ટેશન સોંપી આગળની કાર્યવાહી હાથ ધરી છે.
