VIDEO: સુરેન્દ્રનગરમાં ૧૦૦ કરોડથી વધુનું ડબ્બા ટ્રેડિંગ કૌભાંડ: પોલીસકર્મીના ઘરથી ચાલતું હતું ગેરકાયદે નેટવર્ક!
છેલ્લું અપડેટ : 06 Aug 2026
સોર્સ : gstv
સુરેન્દ્રનગરના રતનપર વિસ્તારમાં ઝડપાયેલા ગેરકાયદેસર ડબ્બા ટ્રેડિંગ કેસમાં પોલીસકર્મી સંજયસિંહ રાઠોડના ઘરેથી નેટવર્ક ચાલતું હોવાનો ધડાકો થતાં તપાસ અત્યંત તેજ બની છે. જેતપુર પોલીસની દરોડા દરમિયાન ૧૦ લેપટોપ અને ૨૭ ડાયરીઓમાંથી દેશભરના બ્રોકરો સાથે જોડાયેલા રૂ. ૧૦૦ કરોડથી વધુના આર્થિક લેવડદેવડના ચોંકાવનારા હિસાબો મળી આવ્યા છે. આ ગેરકાયદે સટ્ટાકીય રમતમાં હાર-જીતની મસમોટી રકમો આંગડિયા પેઢીઓ મારફતે મેળવવામાં આવતી હોવાનું સામે આવતાં સમગ્ર નેટવર્કનો પર્દાફાશ થયો છે. સમગ્ર કૌભાંડની ગંભીરતાને જોતાં આ કેસમાં ટૂંક સમયમાં જ ઈડી, સેબી તેમજ આવક કરતાં વધુ સંપત્તિના મામલે એસીબી દ્વારા પણ કાયદાકીય શિકંજો કસવામાં આવશે. આ મસમોટા આર્થિક કૌભાંડના પડઘા પડતાં સુરેન્દ્રનગર પોલીસ બેડામાં મોટાપાયે ફેરફારો થાય તેવી શક્યતાઓ વધી ગઈ છે.
