Surendranagar: ખાખરાળા ખાણ દુર્ઘટના: ખનિજ માફિયા વિઠલ જાગાને શોધવા પોલીસની સખત કાર્યવાહી

સુરેન્દ્રનગર જિલ્લાના મૂળી તાલુકાના ખાખરાળા ગામે ગેરકાયદેસર કાર્બોસેલ ખાણમાં થયેલી દુ:ખદ દુર્ઘટના બાદ તંત્ર સફાળું બેઠું થયું છે. આ ઘટનામાં એક યુવકનું મોત થયું હતું, જેના પગલે પોલીસે ખનિજ માફિયા વિઠલ જાગા સહિત પાંચ આરોપીઓ સામે માનવવધની કલમ હેઠળ કાર્યવાહી શરૂ કરી છે.

આ પણ વાંચો :

Surendranagar:આંગણવાડીમાં ફરજ બજાવતી મહિલાઓનો વિરોધ, પ્રાંત અધિકારીને આપ્યું આવેદન પત્ર

Surendranagar news: ખનીજ માફિયાઓ સામે કાર્યવાહીની ખાતરી અપાતાં આખરે પરિજનોએ સ્વીકાર્યો મૃતદેહ

આ ઘટનાએ ખાખરાળા ગામની આસપાસના વિસ્તારોમાં ગેરકાયદેસર ખનનની પ્રવૃત્તિઓનો ભેદ ઉઘાડો કર્યો છે. તપાસમાં જાણવા મળ્યું કે આ ખાણ ખનિજ માફિયા વિઠલ જાગા દ્વારા ગેરકાયદેસર રીતે ચલાવવામાં આવતી હતી. આ ખાણમાં કોઈ કાયદેસર લીઝ કે પરવાનગી ન હોવાનું સામે આવ્યું છે, અને વિઠલ જાગાએ આવી અનેક ગેરકાયદેસર ખાણો બનાવીને મોટા પાયે ખનિજ ચોરી કરી હોવાનો આરોપ છે.

પોલીસની કાર્યવાહી

ઘટનાની ગંભીરતાને ધ્યાને લઈને સ્થાનિક પોલીસ, LCB (લોકલ ક્રાઇમ બ્રાન્ચ), અને SOG (સ્પેશિયલ ઓપરેશન ગ્રૂપ)એ વિઠલ જાગાને ઝડપી પાડવા માટે ખાસ ટીમો બનાવી છે. વિઠલ જાગા હાલ ફરાર હોવાનું માનવામાં આવે છે, અને પોલીસે તેને ભૂગર્ભમાં ગયેલો ગણાવ્યો છે. આ સાથે, પોલીસે વિઠલ જાગા સહિત પાંચ ખનિજ માફિયાઓ સામે માનવવધની કલમ હેઠળ ગુનો નોંધી તપાસ શરૂ કરી છે.