VIDEO: સુરેન્દ્રનગરમાં વરસાદના વિરામના ૩૬ કલાક બાદ પણ નવા જંક્શન વિસ્તારની સોસાયટીઓ પાણીમાં ગરકાવ
છેલ્લું અપડેટ : 03 Aug 2026
સોર્સ : gstv
સુરેન્દ્રનગરમાં વરસાદ બંધ થયાને 36 કલાકથી વધુ સમય વીતી ગયો હોવા છતાં નવા જંક્શન વિસ્તારની 10થી વધુ સોસાયટીઓ હજુ પણ વરસાદી પાણીમાં ગરકાવ છે. શિવરંજની, રાધેશ્યામ સહિત અનેક સોસાયટીઓમાં પાણી ભરાઈ રહેતાં 200થી વધુ મકાનો પ્રભાવિત થયા છે. પાણી ભરાયેલા રસ્તાઓને કારણે વિદ્યાર્થીઓ શાળાએ જઈ શક્યા નહોતા, જેના કારણે વાલીઓ અને સ્થાનિક રહિશોમાં ભારે રોષ જોવા મળ્યો છે. સ્થાનિકોએ મહાનગરપાલિકાના અધિકારીઓ ફોન ઉપાડતા ન હોવાની ફરિયાદ પણ કરી છે. વરસાદના વિરામ બાદ પણ અસરકારક પાણી નિકાલની વ્યવસ્થા ન થતા પ્રિમોન્સૂન કામગીરી સામે ગંભીર સવાલો ઊભા થયા છે. રહિશોએ તાત્કાલિક પાણી નિકાલ અને કાયમી ઉકેલની માંગ સાથે તંત્રને જવાબદાર ઠેરવ્યું છે.
