VIDEO: Surendranagar / વોર્ડ નં-8 ની મતગણતરીમાં ગેરરીતિના આક્ષેપ; રિકાઉન્ટિંગની માંગણી સાથે કોંગ્રેસના ઉમેદવાર પહોંચ્યા કોર્ટ
છેલ્લું અપડેટ : 29 Apr 2026
સોર્સ : GSTV
સુરેન્દ્રનગર મહાનગરપાલિકાની ચૂંટણીની મતગણતરી બાદ હવે મામલો ગરમાયો છે. વોર્ડ નંબર 8ના કોંગ્રેસના ઉમેદવાર અમિત દુલેરા માત્ર 3 મતે હારી જતાં મતગણતરીમાં ગેરરીતિના આક્ષેપો થયા છે. ઉમેદવારે બેલેટ પેપરની ગણતરીમાં છબરડા થયા હોવાની લેખિત રજૂઆત ચૂંટણી અધિકારીને કરી હતી, પરંતુ રિકાઉન્ટિંગની માંગ ન સ્વીકારાતા મામલો હવે કોર્ટ સુધી પહોંચ્યો છે. ચૂંટણી અધિકારીઓએ રજૂઆત ન સાંભળતા ઉમેદવારે કોર્ટમાં અરજી દાખલ કરી છે. આક્ષેપ છે કે ગણતરી દરમિયાન જાણીજોઈને ગેરરીતિ કરવામાં આવી છે. હવે કોર્ટના હસ્તક્ષેપ બાદ જ નક્કી થશે કે સુરેન્દ્રનગરમાં ફરીથી મતોની ગણતરી થશે કે કેમ. આ કાનૂની જંગે સ્થાનિક રાજકારણમાં ભારે ચર્ચા જગાવી છે.
