દેશની પહેલી બુલેટ ટ્રેનનું કામ તેજ ગતિએ, સુરત-બિલિમોરા વચ્ચે ઈલેક્ટ્રિફિકેશન શરૂ

ગુજરાતમાં દેશના પ્રથમ બુલેટ ટ્રેન પ્રોજેક્ટનું કામ ઝડપથી આગળ વધી રહ્યું છે. મુંબઈ-અમદાવાદ બુલેટ ટ્રેન કોરિડોર માટે વિદ્યુતકરણ (ઈલેક્ટ્રિકેશન)નું કામ શરૂ થઈ રહ્યું છે. જે અંતર્ગત સ્ટેશન ગટરમાં સુરત-બિલિમોરા બુલેટ ટ્રેનો વચ્ચે જમીનથી 14 મીટરની ઊંચાઈ પર વાયાડક્ટ પર પહેલા બે સ્ટીલ માસ્ટ સ્થાપિત થયા છે. કુલ કોરિડોર ઉપર 9.5 થી 14.5 મીટરની લંબાઈવાળા 20,000 થી વધુ માસ્ટસ લગાવવામાં આવશે. કેન્દ્રિય રેલવે મંત્રી અશ્વિની વૈષ્ણવને સોશિયલ મીડિયા પ્લેટફોર્મ એક્સ પર આ વિશે પોસ્ટ કરીને ખુશી વ્યક્ત કરી હતી. 

આ પણ વાંચોઃ નવસારીમાં ગાંધી ફાટક પાસે ધડાકાભેર અકસ્માત, કાર-બાઈક અથડાતા યુવક 10 ફૂટ દૂર ફેંકાયો

ઓએચઈ માસ્ટ બન્યા

બુલેટ ટ્રેનના કોરીડોર પર લગાવવામાં આવેલા આ માસ્ટ ઓવરહેડ સાધન (OHE) સિસ્ટમનો સપોર્ટ કરશે. તેમાં ઓવરહેડ તાર, અર્થ સિસ્ટમ, ફિટિંગ અને સંબંધિત સહાયક સાધનો સામેલ છે. જે બુલેટ ટ્રેન ચલાવવા માટે યોગ્ય એમએચએસઆર કોરિડોર માટે સંપૂર્ણ 2x25 કેવી ઓવરહેડ ટ્રેક્શન સિસ્ટમ નિર્માણ કરશે. મેક ઈન ઈન્ડિયાને પ્રોત્સાહિત કરતી, જાપાની ધારા ધોરણો પ્રમાણેની ડિઝાઈન અને વિશિષ્ટતાઓ અનુસાર આ ઓએચઈ માસ્ટ ભારતમાં બન્યો છે. જે હાઈ-સ્પીડ ટ્રેનો માટે ઓવરહેડ ટ્રેક્શનને સપોર્ટ કરશે.

સુરત-બિલિમોરા વચ્ચે તેજ ગતિએ કામ

બુલેટ ટ્રેનનું ટ્રાયલ સુરત-બિલિમોરાની વચ્ચે થવાની આશા છે. કોરીડોરને ઇલેક્ટ્રીફિકેશન વર્ક સ્ટાર્ટ કરવાનો અંદેશો આપી દેવામાં આવ્યો છે. બુલેટ ટ્રેન કોરીડોર પર ઇલેક્ટ્રિફિકેશન વર્ક શરૂ થવા અંગે માહિતી નેશનલ હાઇ સ્પીડ કોર્પોરેશન લિમિટેડે શેર કરી છે. ગુજરાતમાં બુલેટ ટ્રેનનું ટ્રાયલ 2026 માં શરૂ થવાની આશા છે. મુંબઈથી અમદાવાદ વચ્ચેની બુલેટ ટ્રેન કોરિડોરની કુલ લંબાઈ 508 કિલોમીટર છે. આ રૂટ પર કુલ 12 સ્ટેશન છે. જેમાંથી આઠ ગુજરાત અને ચાર મહારાષ્ટ્રમાં છે. ગુજરાતમાં સાબરમતી, અમદાવાદ, આણંદ, વડોદરા, સુરત અને બિલિમોરા સ્ટેશન છે. સુરત અને બિલિમોરા વચ્ચેના કોરીડોરની લંબાઈ 50 કિલોમીટર છે. આ બધાનું કામ સૌથી વધુ ઝડપે થઈ રહ્યું છે. આવી જ રીતે બુલેટ ટ્રેનનો ટ્રાયલ એ જ સેક્શનમાં આવવાની આશા છે.