VIDEO: બિહારમાં કોંગ્રેસ દ્વારા PM મોદીના માતાને અપશબ્દ અંગે સુરતના નાનપુરામાં ભાજપનો વિરોધ
છેલ્લું અપડેટ : 30 Aug 2025
સોર્સ : GSTV
VIDEO: બિહારમાં હાલ ચૂંટણીનો માહોલ જામ્યો છે, ત્યારે નેતાઓ પ્રચારના ઓઠા હેઠળ ગમે તેવા નિવેદનો અને ભાષણો આપી દેતા હોય છે. આ દરમ્યાન બિહારમાં કોંગ્રેસ દ્વારા પીએમ મોદીના સ્વર્ગીય માતૃશ્રી પર અભદ્ર અને અશોભનીય ટિપ્પણી કરવાનો વિરોધ થયો છે.
સુરત શહેરના નાનપુરા વિસ્તારમાં કોંગ્રેસ કાર્યાલય ખાતે ભાજપના કાર્યકરોએ વિરોધ નોંધાવ્યો હતો. આ દરમ્યાન મામલો બિચકતા જાહેરમાં ભાજપ અને કોંગ્રેસ કાર્યકરો વચ્ચે ઝપાઝપી થઈ હતી. ભાજપના કાર્યકરોએ પૂતળા દહન કરી ભારે સૂત્રોચ્ચાર કરી વિરોધ ઠાલવ્યો હતો. આ દરમ્યાન મામલો વધુ ઉગ્ર બનતા ચાંપતો બંદોબસ્તમાં રહેલી પોલીસે મામલો સંભાળ્યો હતો.
