VIDEO: Surat / વતન જવાની ખુશી માતમમાં ફેરવાઈ; કામરેજના નવી પારડી ગામે બાઇક વીજ થાંભલે અથડાતા યુવકનું કરુણ મોત
છેલ્લું અપડેટ : 22 Apr 2026
સોર્સ : GSTV
સુરતના કામરેજ તાલુકાના નવી પારડી ગામે વતન જવાની ખુશી માતમમાં ફેરવાઈ છે. જ્યાં પૂરઝડપે જતી એક બાઇક વીજ થાંભલા સાથે ધડાકાભેર અથડાતા સર્જાયેલા અકસ્માતમાં એક યુવકનું કરુણ મોત નીપજ્યું છે. આ અકસ્માત એટલો ભયાનક હતો કે બાઇક પર સવાર ત્રણેય યુવકો રસ્તા પર પટકાયા હતા. જેમાં લાલજી કોલ નામના યુવકને ગંભીર ઇજાઓ પહોંચતા તેનું ઘટનાસ્થળે જ મોત થયું હતું. અકસ્માતની સમગ્ર ઘટના નજીકમાં લાગેલા સીસીટીવી કેમેરામાં કેદ થઈ છે. કામરેજ પોલીસે આ મામલે સીસીટીવી ફૂટેજ કબજે કરી કાયદેસરની તપાસ અને આગળની કાર્યવાહી હાથ ધરી છે.
