VIDEO: સુરતમાં પૂરની તબાહી વચ્ચે જીત્યો મિત્રતાનો વિશ્વાસ, ૪૫ લાખ ગુમાવનાર દોસ્તની વહારે આવ્યો જૂનો ભાઈબંધ!
છેલ્લું અપડેટ : 13 Jul 2026
સોર્સ : gstv
સુરતના વરાછા વિસ્તારમાં આવેલી પોદ્દાર આર્કેડમાંથી ભારે પૂરની વચ્ચે માનવતા અને સાચી મિત્રતાની એક હૃદયસ્પર્શી ઘટના સામે આવી છે. અહીં ખાડીપૂરના પાણી ભરાઈ જતાં એક મોબાઈલ વેપારીની આખેઆખી દુકાન પાણીમાં ગરકાવ થઈ ગઈ હતી, જેમાં વેપારીને અંદાજે ₹૪૫ લાખનું અધધ નુકસાન વેઠવાનો વારો આવ્યો હતો. મુશ્કેલીના આ કપરા સમયમાં વેપારીના ૨૫ વર્ષ જૂના બે મિત્રો તેની વહારે આવ્યા હતા. આ આપત્તિની ઘડીમાં એક મિત્ર તાત્કાલિક ₹૧૦ લાખની આર્થિક મદદ રોકડી કરીને દોસ્ત પાસે પહોંચી ગયો હતો. બધું જ ગુમાવી ચૂકેલા વેપારી મિત્રને જ્યારે આ કપરા સમયમાં આવી નિઃસ્વાર્થ મદદ મળી, ત્યારે તે પોતાના આંસુ રોકી શક્યો નહોતો અને ભાવુક થઈ ગયો હતો. સુરતના આ પૂર સંકટ વચ્ચે આ કિસ્સો સોશિયલ મીડિયા પર ભારે પ્રશંસા પામી રહ્યો છે.
