Surat: સાઇબર ફ્રોડ આચરતી બે ટોળકી ઝડપાઈ, 5 લાખથી વધુનો મુદ્દામાલ જપ્ત
છેલ્લું અપડેટ : 27 Sept 2025
સોર્સ : gstv
સુરત સાયબર ક્રાઇમ સેલ પોલીસે કતારગામ અને સરથાણા વિસ્તારોમાંથી સાયબર ફ્રોડ આચરતી બે અલગ ટોળકીઓને ઝડપી પાડવા આવી છે. આ કાર્યવાહીમાં કુલ 8 આરોપીઓની ધરપકડ કરવામાં આવી, અને તેમની પાસેથી ૫ લાખથી વધુનો મુદ્દામાલ જપ્ત થયો છે. આરોપીઓને 5 દિવસના રીમાન્ડ પર લઈને વધુ તપાસ કરવામાં આવી રહી છે.
કતારગામના આરોપીઓ પાસેથી 25 બેંક ખાતાઓ મળ્યા, જેમાં અત્યાર સુધી 3.35 કરોડ રૂપિયાના વ્યવહારોની નોંધ મળી. તો સરથાણાના આરોપીઓ પાસેથી 18 બેંક ખાતાઓ મળી આવ્યા છે. જેમાં 16.56 કરોડના વ્યવહારોની વિગતો મળી છે.
આરોપીઓ સામાન્ય લોકોને લાલચ આપી નવા બેંક એકાઉન્ટ્સ ખુલ્વાવતા, તેમની ઇન્સ્ટન્ટ કીટ મેળવીને સાયબર ક્રાઇમના ગુના આચરતા આરોપીને મોકલી આપતા હતા.
