VIDEO : સુરતમાં મિલ્કશેક અને બરફના ગોળાઓ ખાનારા ચેતજો, આરોગ્ય વિભાગે વેપારીઓને ત્યાં પાડ્યા દરોડા
છેલ્લું અપડેટ : 07 May 2026
સોર્સ : gstv
સુરત શહેરમાં ઉનાળાની સીઝન જામતા જ ખાણીપીણીના શોખીનો માટે આરોગ્ય વિભાગ સતર્ક બન્યું છે. સુરત મહાનગરપાલિકાના આરોગ્ય અને ફૂડ વિભાગ દ્વારા શહેરના વિવિધ વિસ્તારોમાં મેંગો મિલ્ક શેક અને આઈસ ડિશનું વેચાણ કરતા વેપારીઓને ત્યાં ઓચિંતું ચેકિંગ હાથ ધરવામાં આવ્યું હતું.પાલિકાની ટીમ દ્વારા કાર્યવાહી દરમિયાન ૨૧ જેટલા મેંગો મિલ્ક શેક અને ૧૫ જેટલા આઈસ ડિશના સેમ્પલ લેવામાં આવ્યા છે. આ સેમ્પલ્સમાં હાનિકારક એડેડ કલર, સેકરીન અને મલાઈ જેવા પદાર્થોની ભેળસેળ છે કે કેમ તેની તપાસ કરવામાં આવશે. તમામ નમૂનાઓને પરીક્ષણ અર્થે પાલિકાની પબ્લિક હેલ્થ લેબોરેટરી ખાતે મોકલવામાં આવ્યા છે.
