VIDEO: સુરત સાયબર ક્રાઇમની મોટી સફળતા: બિહારથી 2456 કિમી દૂરથી ઝડપાયેલા ચાર આરોપીઓએ 125 કરોડથી વધુનું ફ્રોડ આચર્યું
છેલ્લું અપડેટ : 11 Aug 2026
સોર્સ : gstv
સુરત સાયબર ક્રાઇમ સેલે બિહારના પટનાની એક હોટલમાંથી APK ફાઇલ ફ્રોડ આચરનાર ચાર આરોપીઓની ધરપકડ કરી છે….આરોપીઓએ દેશભરમાં 336 બોગસ APK ફાઇલ દ્વારા 5 હજાર 613 લોકોના ફોન હેક કરી 125 કરોડથી વધુની છેતરપિંડી આચરી હતી....ઝડપાયેલા આરોપીઓમાં જહીલ અંસારી, રાજનકુમાર, આદિત્યરાજ અને સમીરનો સમાવેશ થાય છે. આ ટોળકી બેંક, RTO ચલણ અને સરકારી યોજનાઓના નામે બનાવટી APK ફાઇલ મોકલી ફોનનો એક્સેસ મેળવી ખાતા ખાલી કરતી હતી....અગાઉ કાનપુરથી મુખ્ય ડેવલપર રોહિતની પણ ધરપકડ કરાઈ છે. પોલીસે આરોપીઓ પાસેથી 6 મોબાઈલ અને 1 લેપટોપ જપ્ત કર્યા છે.
