VIDEO: સુરતની પી.પી. સવાણી હોસ્ટેલમાં ફૂડ પોઈઝનિંગની ઘટના: મોટી સંખ્યામાં વિદ્યાર્થીઓની તબિયત લથડી
છેલ્લું અપડેટ : 13 Sept 2026
સોર્સ : gstv
સુરતના અબ્રામા વિસ્તારમાં આવેલી પી.પી. સવાણી હોસ્ટેલમાં રાત્રિનું ભોજન લીધા બાદ મોટી સંખ્યામાં વિદ્યાર્થીઓને ફૂડ પોઈઝનિંગ થવાની ગંભીર ઘટના સામે આવી છે. ભોજન કર્યા બાદ વિદ્યાર્થીઓની તબિયત અચાનક બગડતા તેમને તાત્કાલિક અસરથી સારવાર માટે અલગ-અલગ હોસ્પિટલમાં ખસેડવામાં આવ્યા છે. હોસ્ટેલ પ્રશાસન દ્વારા વાલીઓને ફોન કરીને બાળકોની તબિયત નાદુરસ્ત હોવાની જાણ કરાતા ચિંતાતુર વાલીઓ મોટી સંખ્યામાં હોસ્ટેલ અને હોસ્પિટલ ખાતે દોડી આવ્યા હતા. આ ઘટનાને પગલે વાલીઓમાં ભારે રોષ અને ચિંતાનું વાતાવરણ છવાયું છે, જ્યારે તંત્ર દ્વારા આ મામલે તપાસ હાથ ધરવામાં આવી છે.
