VIDEO: ડોર ટુ ડોર ડીઝલ ડિલિવરી કરતાં સ્ટાર્ટઅપને HPCL તરફથી સપ્લાય ન મળતા મુશ્કેલી
છેલ્લું અપડેટ : 05 Oct 2026
સોર્સ : gstv
સુરતમાં ડોર ટુ ડોર ડીઝલ ડિલિવરીનું સફળ સ્ટાર્ટઅપ ચલાવતી 'નિર્મિત એનર્જી LLP' કંપની મુશ્કેલીમાં મુકાઈ છે. HPCL દ્વારા છેલ્લા 5 દિવસથી આ સ્ટાર્ટઅપને ડીઝલનો જથ્થો આપવાનું બંધ કરી દેવામાં આવ્યું છે. દરરોજ 6,000 લીટર ડીઝલની જરૂરિયાત ધરાવતી આ એજન્સીને ડેપો અધિકારીઓ દ્વારા ડીઝલની અછત હોવાનું બહાનું બતાવવામાં આવી રહ્યું છે. જોકે આ અંગે HPCLના જવાબદાર અધિકારીઓ મીડિયા સાથે વાત કરવા તૈયાર નથી. એક તરફ સરકાર દેશમાં નવા સ્ટાર્ટઅપ્સને પ્રોત્સાહન આપવાની મોટી વાતો કરે છે, તો બીજી તરફ સરકારી તંત્ર અને કંપનીઓ દ્વારા જ આવા સ્ટાર્ટઅપ શરૂ કરનારા યુવાનોને હેરાન-પરેશાન કરવામાં આવી રહ્યા હોવાના આક્ષેપો ઉઠ્યા છે.
