VIDEO: સુરતના ડીંડોલી વિસ્તારમાં અસામાજિક તત્વોનો ત્રાસ વધી જતા યુવક પર જીવલેણ હુમલો
છેલ્લું અપડેટ : 10 Aug 2026
સોર્સ : gstv
સુરત શહેરમાં અસામાજિક તત્વોના ત્રાસને લઈને પોલીસની કામગીરી સામે સવાલો ઉઠી રહ્યા છે. ડીંડોલી વિસ્તારમાં ભેસ્તાન આવાસની પાણીની ટાંકી પાસે એક યુવાન પર જીવલેણ હુમલો કરવામાં આવ્યો હોવાની ઘટના સામે આવી છે. સાહિલ ખાન નામના ઈસમ પર કેટલાક અજાણ્યા શખ્સોએ હુમલો કર્યો હતો. હુમલામાં સાહિલ ખાન ગંભીર રીતે ઈજાગ્રસ્ત થતાં તેને તાત્કાલિક સારવાર માટે સુરત સિવિલ હોસ્પિટલ ખસેડવામાં આવ્યો હતો. ઘટનાની જાણ થતાં પોલીસની ટીમ પણ તાત્કાલિક ઘટનાસ્થળે પહોંચી હતી અને સમગ્ર મામલે તપાસ શરૂ કરી છે.
