VIDEO: સાબરકાંઠામાં ચૂંટણી બાદ હોદ્દેદારો નક્કી કરવા સેન્સ પ્રક્રિયાનો પ્રારંભ, ટૂંક સમયમાં થશે જાહેરાત
છેલ્લું અપડેટ : 03 May 2026
સોર્સ : gstv
સાબરકાંઠા જિલ્લાની સ્થાનિક સ્વરાજ્યની સંસ્થાઓમાં હોદ્દેદારો નક્કી કરવા માટે હિંમતનગર સર્કિટ હાઉસ ખાતે સેન્સ પ્રક્રિયાનો પ્રારંભ કરવામાં આવ્યો છે. પ્રદેશમાંથી આવેલા નિરીક્ષકો દ્વારા જિલ્લા પંચાયત, સાત તાલુકા પંચાયતો અને નગરપાલિકાના પ્રમુખ, ઉપપ્રમુખ, પક્ષના નેતા તથા કારોબારી અધ્યક્ષ જેવા મહત્વના હોદ્દાઓ માટે ચૂંટાયેલા સદસ્યોના મંતવ્યો લેવામાં આવી રહ્યા છે.
નોંધનીય છે કે, પ્રથમ અઢી વર્ષની મુદત માટે આ સંસ્થાઓમાં પ્રમુખ પદ મહિલાઓ માટે અનામત છે. આ પ્રક્રિયા પૂર્ણ થયા બાદ પ્રદેશ અને જિલ્લા સમિતિ દ્વારા નામો પર મહોર મારવામાં આવશે અને આગામી દિવસોમાં યોજાનારી સામાન્ય સભામાં સર્વસંમતિથી નવા પદાધિકારીઓના નામોની સત્તાવાર જાહેરાત કરવામાં આવશે.
