VIDEO: સાબરકાંઠાના ઈડર, વડાલી અને હિંમતનગર પંથકમાં વરસાદી પલટો, ખેતીપાકોને મળ્યું નવજીવન
છેલ્લું અપડેટ : 12 Sept 2026
સોર્સ : gstv
સાબરકાંઠાના ઈડર, વડાલી અને હિંમતનગર વિસ્તારના ગ્રામ્ય વિસ્તારોમાં વરસાદનું આગમન થયું છે. આ ઝરમર વરસાદને કારણે સમગ્ર વાતાવરણમાં ઠંડક પ્રસરી ગઈ છે અને લોકોને ભારે ઉકળાટમાંથી મોટી રાહત મળી છે. હાલમાં મગફળી અને કપાસ સહિતના ખેતીપાકોને ભારે વરસાદની ખાસ જરૂરિયાત છે, ત્યારે આ સામાન્ય વરસાદથી પાકોને થોડુંઘણું નવજીવન મળ્યું છે. જોકે, જિલ્લાના ધરતીપુત્રો અને ખેડૂતો પાકોના સારા વિકાસ માટે લાંબા સમયથી સારો એવો ભારે વરસાદ ઝંખી રહ્યા છે. હવામાન વિભાગ દ્વારા પણ આગામી સમયમાં ભારે વરસાદની આગાહી કરવામાં આવી હોવાથી ખેડૂતોની નજર આકાશ તરફ છે.
