VIDEO: ખેડબ્રહ્માના ડોડીવાડામાં પાણી માટે આક્રોશ, ઢોલ વગાડી કર્યો વિરોધ, લોકોએ પાઇપલાઇન તોડી નાખવાની આપી ચીમકી
છેલ્લું અપડેટ : 16 May 2026
સોર્સ : GSTV
સાબરકાંઠાના ખેડબ્રહ્મા તાલુકાના ડોડીવાડા ગામના આદિવાસી પરિવારો આજે પાણીના એક-એક ટીપાં માટે ટળવળતા જોવા મળી રહ્યા છે. સરકારની 'નલ સે જલ' યોજના કાગળ પર સફળ હોવાના દાવા થાય છે, પરંતુ વાસ્તવિકતામાં અહીં માત્ર ખાલી પાઇપો અને સ્ટ્રક્ચર જ ઊભા છે, નળ ક્યાંય જોવા મળતા નથી. કરોડોના ખર્ચે બનેલા વાસમોના ટાંકા પાણી વિના કોરાધાક પડ્યા છે, જેના લીધે તંત્ર અને ભ્રષ્ટ કોન્ટ્રાક્ટરો સામે સ્થાનિકોમાં ઉગ્ર રોષ છે. ગામ લોકોએ પાણી માટે ઢોલ વગાડી વિરોધ પ્રદર્શન કર્યું હતું. ગ્રામજનોનો આક્ષેપ છે કે ચૂંટણી ટાણે વોટ માંગવા આવતા ધારાસભ્ય તુષાર ચૌધરી કે સાંસદ રમીલાબેન બારા જેવા નેતાઓ જીત્યા પછી મોઢું પણ બતાવતા નથી. તરસથી પીડાતા લોકોએ હવે ઉગ્ર ચીમકી આપી છે કે જો વહેલી તકે પાણી નહીં મળે તો તેઓ મુખ્ય પાઇપલાઇન તોડી નાખશે.
