VIDEO: વીરપુરમાં SPG ગ્રૂપ દ્વારા ‘વેલકમ નવરાત્રી’નું ભવ્ય અને ઉત્સાહભેર આયોજન કરાયું
છેલ્લું અપડેટ : 11 Oct 2026
સોર્સ : gstv
સૌરાષ્ટ્રના પ્રખ્યાત યાત્રાધામ વીરપુરમાં સરદાર પટેલ સેવાદળ ગ્રૂપ (SPG) દ્વારા નવરાત્રીના પાવન પર્વને આવકારવા ‘વેલકમ નવરાત્રી’નું ભવ્ય આયોજન કરવામાં આવ્યું હતું. નવરાત્રીના પ્રારંભ પૂર્વે યોજાયેલા આ કાર્યક્રમમાં મા જગદંબાની ભક્તિભાવપૂર્વક મહાઆરતી ઉતારવામાં આવી હતી. આ પ્રસંગે નાની બાળાઓ માતાજીના વિવિધ સ્વરૂપોની આકર્ષક વેશભૂષામાં સજ્જ થઈ સૌના આકર્ષણનું કેન્દ્ર બની હતી. મહાઆરતીમાં SPG ગ્રૂપના સૌરાષ્ટ્ર અધ્યક્ષ કલ્પેશભાઈ રાંક અને મહિલા ગ્રૂપના અધ્યક્ષ મિતલબેન ધાનાણી સહિતના મહાનુભાવો ઉપસ્થિત રહ્યા હતા. કાર્યક્રમ દરમિયાન ખેલૈયાઓએ મન મૂકીને ગરબે ઘૂમી નવરાત્રીના આગમનને વધાવ્યું હતું. આમ, આ આયોજનમાં ધાર્મિક આસ્થા, પરંપરા અને ગરબાના ઉત્સાહનો સુંદર સમન્વય જોવા મળ્યો હતો.
