VIDEO: ખોડલ ધામ ગરબામાં ઘર્ષણનો મામલો, જાણો પાટીદાર અગ્રણીએ શું કહ્યું
છેલ્લું અપડેટ : 30 Sept 2025
VIDEO: રંગીલા રાજકોટને જાણે કોઈની નજર લાગી ગઈ હોય તેમ નવલાં નોરતે પણ ઘર્ષણ જેવી ઘટના સામે આવી હતી રાજકોટ શહેરના ખોડલ ધામ નોર્થના ગરબામાં એક શખ્સ દ્વારા ગરબામાં કાર્યકર્તાઓની વાત ન માની અને તેમના પર હુમલો કરવાની હિચકારી ઘટના સામે આવી હતી. જેમાં ત્રણ જેટલા લોકો ઈજાગ્રસ્ત થતાં તેઓને ખાનગી હોસ્પિટલમાં ખસેડવામાં આવ્યા હતા.
નરેન્દ્ર પટેલનું નિવેદન
જોકે પોલીસને આ અંગે જાણ થતા ઉચ્ચ અધિકારીઓ સાથે પોલીસ કાફલો ઘટનાસ્થળ પર દોડી આવ્યો હતો. પોલીસે સમગ્ર મામલે કાયદેસરની કાર્યવાહી કરી હતી. આ અંગે પાટીદાર અગ્રણી નરેન્દ્ર પટેલે જણાવ્યું હતું કે, જ્યારે ગરબામાંથી હું બહાર આવ્યો ત્યારે મહેશગિરી નામના શખ્સની ગરબાના કાર્યકર્તાઓ સાથે માથાકૂટ ચાલી રહી હતી અને તે દરમિયાન આ શખ્સે હુમલો કર્યો હતો. ઈજાગ્રસ્ત લોકોને હોસ્પિટલ સારવાર માટે લઈ જવામાં આવ્યા હતા. બાકી આગળની કાર્યવાહી પોલીસ દ્વારા ચાલુ હોવાનું તેમણે જણાવ્યું હતું
