VIDEO / RAJKOT: "કોઈ પણ રાજકીય પાર્ટીએ મત માગવા પ્રવેશ કરવો નહીં", વોર્ડ નંબર 1ની સોસાયટીમાં બેનરો લાગ્યા
છેલ્લું અપડેટ : 09 Apr 2026
સોર્સ : gstv
રાજકોટના વોર્ડ નંબર 1માં આવેલી ઋષિવાટિકા સોસાયટીના રહીશોએ ચૂંટણી પહેલા જ આક્રમક વિરોધ નોંધાવ્યો છે. વિસ્તારમાં વ્યાપેલી ગંદકી અને બેફામ વેચાતા દેશી દારૂના દૂષણથી કંટાળીને સ્થાનિકોએ સોસાયટીના નાકે જ વિરોધના બેનરો લગાવી દીધા છે. સોસાયટીમાં લાગેલા પોસ્ટરોમાં સ્પષ્ટ લખવામાં આવ્યું છે કે, "કોઈપણ રાજકીય પાર્ટીએ મત માગવા માટે પ્રવેશ કરવો નહીં." સ્થાનિકોનો આક્ષેપ છે કે અનેક રજૂઆતો છતાં સમસ્યાનો ઉકેલ આવતો નથી, તેથી હવે મતદાનનો બહિષ્કાર જેવો આકરો નિર્ણય લેવાયો છે.
