VIDEO: રાજકોટના રૈયાધારમાં ખરાબ રોડ રસ્તા સામે સ્થાનિકોએ થાળી વગાડી ઉગ્ર વિરોધ કર્યો
છેલ્લું અપડેટ : 28 Jul 2026
સોર્સ : gstv
રાજકોટના રૈયાધાર વિસ્તારમાં આવેલા ઇન્દ્રપ્રસ્થ નગરના રહિશોએ ખરાબ રોડ રસ્તાની સમસ્યાને લઈને ઉગ્ર વિરોધ નોંધાવ્યો. મહિલાઓએ થાળી અને વેલણ વગાડી તંત્ર સામે અનોખી રીતે રોષ વ્યક્ત કર્યો. સ્થાનિકોના જણાવ્યા મુજબ સોસાયટીમાં જતો મુખ્ય માર્ગ વર્ષોથી કાચો હોવાથી ચોમાસામાં કાદવ અને પાણી ભરાઈ જાય છે, જેના કારણે રોજિંદા અવરજવરમાં ભારે મુશ્કેલી પડે છે. એટલું જ નહીં, કાચા રસ્તાના કારણે અનેક વખત સાપ જેવા ઝેરી જીવજંતુઓ પણ સોસાયટીમાં ઘૂસી આવે છે, જે રહિશો માટે જોખમરૂપ બન્યું છે. અનેક રજૂઆતો છતાં સમસ્યાનો કોઈ ઉકેલ ન આવતા સ્થાનિકોએ વિરોધ પ્રદર્શન કરીને તાત્કાલિક પક્કા રસ્તાની માંગ ઉઠાવી છે.
