VIDEO: રાજકોટમાં લોહીના સંબંધો લજવાયા: પિતાએ જ હથોડાના ઘા મારી સગા પુત્રની કરી હત્યા!
છેલ્લું અપડેટ : 19 Aug 2026
સોર્સ : gstv
રાજકોટના ભક્તિનગર પોલીસ મથક હેઠળના આહિર ચોક વિસ્તારમાં પિતાના હાથે જ સગા પુત્રની હત્યાનો ચોંકાવનારો કિસ્સો સામે આવ્યો છે. આરોપી પિતા બાબુ સવસેટાએ પોતાના ૩૩ વર્ષીય પુત્ર રામને હથોડાના ઘા ઝીંકી દઈ ઘાતકી રીતે મોતને ઘાટ ઉતાર્યો હતો. પોલીસ તપાસમાં સામે આવ્યું છે કે પિતાની ખરાબ સંગત, કુટેવો અને પિતા-પુત્ર વચ્ચે થતા કૌટુંબિક વિવાદના કારણે આ કરૂણ અંજામ આવ્યો હતો. રક્ષાબંધનના તહેવાર પહેલા જ ત્રણ બહેનોએ પોતાનો એકનો એક ભાઈ ગુમાવતા પરિવારમાં શોકનું મોજું ફરી વળ્યું છે. રાજકોટમાં છેલ્લા એક મહિનામાં જ હત્યાના ૮ બનાવો નોંધાતા પોલીસની કામગીરી અને શહેરની કાયદો-વ્યવસ્થાની સ્થિતિ સામે પણ ગંભીર સવાલો ઊભા થયા છે.
