VIDEO: ભારે વરસાદને કારણે વીરપુરમાં તેલ હોકરા નદીના પુરમાં કાર તણાઈ
છેલ્લું અપડેટ : 24 Jul 2026
સોર્સ : gstv
યાત્રાધામ વીરપુર પંથકમાં ધોધમાર વરસાદને કારણે જળબંબાકાર જેવી સ્થિતિ સર્જાઈ છે, જ્યાં સ્વામિનારાયણ ગુરુકુલ થઈને વીરપુર જતા રસ્તે આવેલ તેલ હોકરા નદીના ભારે પૂરમાં એક કાર તણાઈ ગઈ હોવાની હૃદયદ્રાવક ઘટના સામે આવી છે. સ્થાનિક લોકોના દાવા મુજબ આ દુર્ઘટનાગ્રસ્ત કારમાં બે વ્યક્તિઓ સવાર હોવાની પ્રબળ આશંકા સેવાઈ રહી છે. બનાવની જાણ થતાં જ જેતપુર ફાયર વિભાગ અને સ્થાનિક પોલીસ તંત્ર તાત્કાલિક ઘટનાસ્થળે દોડી આવ્યા હતા અને તંત્ર દ્વારા પૂરના ઉછળતા પાણી વચ્ચે કાર તેમજ સવાર લોકોની સઘન શોધખોળ હાથ ધરવામાં આવી છે, જેના કારણે સમગ્ર વિસ્તારમાં ભારે ચિંતા અને ઉત્તેજનાનો માહોલ છવાઈ ગયો છે.
