VIDEO: ધોરાજીમાં 10 લાખનું 12 લાખ વ્યાજ વસૂલ્યા બાદ પણ ધાક-ધમકી આપનાર વ્યાજખોર ઝડપાયો
છેલ્લું અપડેટ : 02 Oct 2026
સોર્સ : gstv
રાજકોટના ધોરાજી તાલુકાના જમનવડ ગામના એક ઈસમ વિરુદ્ધ ધોરાજી સિટી પોલીસ સ્ટેશનમાં ગેરકાયદેસર વ્યાજવટાવ અંગે ફરિયાદ નોંધાઈ છે. ફરિયાદીએ આરોપી રમેશ વાઘમશી પાસેથી લીધેલા 10 લાખ રૂપિયાની સામે 12 લાખ રૂપિયા જેટલું માતબર વ્યાજ ચૂકવી દીધું હોવા છતાં, આરોપી મૂળ રકમ વસૂલવા માટે સતત માનસિક દબાણ અને ધાક-ધમકી આપતો હતો. પીડિતની ફરિયાદના આધારે ધોરાજી સિટી પોલીસે ત્વરિત કાર્યવાહી કરીને વ્યાજખોર રમેશ વાઘમશીની ધરપકડ કરી લીધી છે. પોલીસે આરોપી સામે ગુનો નોંધી વ્યાજખોરીના આ દૂષણ અંગે આગળની કાયદેસરની વધુ તપાસ હાથ ધરી છે.
