VIDEO: સાંતલપુર તાલુકામાં જળબંબાકાર: પરસુંદ ગામ બેટમાં ફેરવાયું
છેલ્લું અપડેટ : 25 Jul 2026
સોર્સ : gstv
પાટણ જિલ્લાના સાંતલપુર તાલુકામાં ભારે વરસાદના કારણે જનજીવન પર વ્યાપક અસર જોવા મળી રહી છે. સતત વરસી રહેલા વરસાદથી અનેક ગ્રામ્ય વિસ્તારોમાં જળબંબાકાર જેવી સ્થિતિ સર્જાઈ છે. તાલુકાનું પરસુંદ ગામ ચારેબાજુ પાણીથી ઘેરાઈ જતાં બેટમાં ફેરવાઈ ગયું છે. વરસાદી પાણી ઘરોમાં ઘૂસી જતાં રહેવાસીઓની ઘરવખરીને ભારે નુકસાન પહોંચ્યું છે. અનેક આંતરિક માર્ગો પાણીમાં ગરકાવ થતાં વાહનવ્યવહાર ખોરવાયો છે અને દૈનિક જીવન પણ પ્રભાવિત બન્યું છે. સ્થાનિકો મુશ્કેલીનો સામનો કરી રહ્યા છે, જ્યારે તંત્ર પરિસ્થિતિ પર સતત નજર રાખી જરૂરી રાહત અને બચાવ કામગીરી માટે સજ્જ હોવાનું જણાવી રહ્યું છે.
