Video: કોંગ્રેસનું 'વોટ ચોર, ગાદી છોડ' સૂત્ર સાથે રણશિંગું, સિદ્ધપુરમાં 'જન આક્રોશ સભા'નું આયોજન
છેલ્લું અપડેટ : 05 Oct 2025
વિપક્ષના નેતા રાહુલ ગાંધી દ્વારા ઉઠાવવામાં આવેલા 'વોટ ચોરી'ના મુદ્દાને ગુજરાત કોંગ્રેસ હવે શેરીએ શેરીએ લઈ જઈને સરકાર સામે રણશિંગું ફૂંકી રહી છે. કોંગ્રેસે ગુજરાતમાં 3 ઓક્ટોબરથી 10 ઓક્ટોબર સુધી વિવિધ કાર્યક્રમોનું આયોજન કર્યું છે, જેના ભાગરૂપે આજે પાટણ ખાતે એક મોટી "જન આક્રોશ સભા" યોજાશે.
કોંગ્રેસ દ્વારા આ સભાનું આયોજન 'વોટ ચોર, ગાદી છોડ'ના સૂત્ર સાથે કરવામાં આવ્યું છે. આ કાર્યક્રમનો મુખ્ય હેતુ મોંઘવારી, મંદી, બેરોજગારી અને ભ્રષ્ટાચારથી ત્રસ્ત ગુજરાતની જનતાના હક અને અધિકારની લડત આપવાનો છે.
આજે બપોરે 2 વાગ્યે, કોંગ્રેસના નેતૃત્વ હેઠળ સિદ્ધપુર વિધાનસભા વિસ્તારના વડુ ખાતે આ "જન આક્રોશ સભા" યોજાશે. આ સભામાં ગુજરાત પ્રદેશ કોંગ્રેસના તમામ મોટા નેતાઓ હાજર રહેવાના છે, જેમાં મુખ્યત્વે: ગુજરાત પ્રદેશ કોંગ્રેસ સમિતિના પ્રભારી મુકુલ વાસનિક, પ્રદેશ કોંગ્રેસ પ્રમુખ અમિતભાઈ ચાવડા, વિધાનસભામાં વિપક્ષના નેતા તુષારભાઈ ચૌધરી, બનાસકાંઠાના સાંસદ શ્રીમતી ગેનીબેન ઠાકોર વિગેરે હાજર રહેશે.