Patan/ જિલ્લામાં બે ગમખ્વાર ઘટના: સિદ્ધપુરમાં વિદ્યાર્થીનો આપઘાત, રેલવે ગરનાળા પાસે યુવકનું ટ્રેન નીચે કચડાતા મોત
છેલ્લું અપડેટ : 29 Jan 2026
પાટણ જિલ્લામાં આજે શોકમગ્ન કરી દેતી બે ઘટનાઓ બની છે. સિદ્ધપુરની ફિઝિયોથેરાપી કોલેજમાં અભ્યાસ કરતા એક તેજસ્વી વિદ્યાર્થીએ મોતને વહાલું કર્યું છે, જ્યારે પાટણ શહેરમાં રેલવે ટ્રેકની નજીક એક અજાણ્યા યુવકનું ટ્રેનની અડફેટે મોત નિપજ્યું છે.
1. સિદ્ધપુર: હોસ્ટેલના રૂમમાં વિદ્યાર્થીનો ફાંસો
સિદ્ધપુરની ફિઝિયોથેરાપી કોલેજમાં ત્રીજા વર્ષમાં અભ્યાસ કરતા ૨૩ વર્ષીય વિદ્યાર્થી મહેન્દ્ર સુથારે હોસ્ટેલના રૂમમાં ગળેફાંસો ખાઈ આપઘાત કરી લેતા શૈક્ષણિક જગતમાં અરેરાટી વ્યાપી ગઈ છે.
-
મૃતકની વિગત: મહેન્દ્ર સુથાર મૂળ વાવ જિલ્લાના દિયોદર તાલુકાના જલોઠા ગામનો વતની હતો.
-
ઘટના: હોસ્ટેલના રૂમમાં પંખા સાથે લટકીને તેણે જીવન ટૂંકાવ્યું હતું. સ્થાનિક લોકો અને હોસ્ટેલના અન્ય વિદ્યાર્થીઓએ જાણ કરતા પોલીસ ઘટનાસ્થળે દોડી આવી હતી.
-
તપાસ: પોલીસે મૃતદેહને પીએમ (Post-Mortem) માટે સિદ્ધપુર સિવિલ હોસ્પિટલ ખસેડી આપઘાતનું કારણ જાણવા તપાસ હાથ ધરી છે.
2. પાટણ: રેલવે ગરનાળા પાસે અકસ્માત
બીજી તરફ, પાટણ શહેરના રેલવે ગરનાળા નજીક એક આશાસ્પદ યુવાનનું ટ્રેનની હડફેટે આવતા ઘટનાસ્થળે જ કમકમાટીભર્યું મોત નિપજ્યું છે. ટ્રેન પસાર થઈ રહી હતી ત્યારે યુવક અડફેટે આવી ગયો હતો. ટક્કર એટલી જોરદાર હતી કે યુવકનું સ્થળ પર જ મોત થયું હતું. રેલવે પોલીસ તાત્કાલિક ઘટનાસ્થળે પહોંચી હતી અને મૃતદેહનો કબજો લીધો હતો. હાલ આ મૃતક યુવક ક્યાંનો વતની છે અને તેની ઓળખ શું છે, તે દિશામાં પોલીસે તપાસ શરૂ કરી છે.