VIDEO: સમગ્ર રાજ્યમાં સૌથી ઓછું પરિણામ પંચમહાલ જિલ્લાનું, સ્થાનિક શિક્ષણ વ્યવસ્થા સામે સવાલો ઉઠ્યા
છેલ્લું અપડેટ : 06 May 2026
સોર્સ : gstv
ગુજરાત રાજ્યના ધોરણ 10ના જાહેર થયેલા પરિણામોમાં પંચમહાલ જિલ્લો શિક્ષણની દ્રષ્ટિએ પછાત સાબિત થયો છે, કારણ કે સમગ્ર રાજ્યમાં સૌથી ઓછું પરિણામ મેળવવાનો નકારાત્મક ખિતાબ પંચમહાલને ફાળે ગયો છે. જિલ્લામાં કુલ 23 હજાર 39 વિદ્યાર્થીઓએ નોંધણી કરાવી હતી, જેમાંથી 22 હજાર 431 વિદ્યાર્થીઓએ પરીક્ષા આપી હતી. આજે જાહેર થયેલા આંકડા મુજબ જિલ્લાનું કુલ ઓવરઓલ પરિણામ 76.42 ટકા રહ્યું છે, જેમાં માત્ર 350 વિદ્યાર્થીઓ જ એ-વન ગ્રેડ મેળવી શક્યા છે. રાજ્યમાં સૌથી ઓછી ટકાવારી સાથે પંચમહાલ જિલ્લાનું નામ યાદીમાં અંતિમ ક્રમે આવતા સ્થાનિક શિક્ષણ વ્યવસ્થા સામે સવાલો ઉઠ્યા છે. પરિસ્થિતિ જોતા એવું જણાઈ રહ્યું છે કે જિલ્લાનું શિક્ષણ હવે માત્ર ખાનગી શાળાઓના ભરોસે જ ટકેલું છે.
