VIDEO: નવસારીમાં રક્ષાબંધનની અનોખી ઉજવણી: બહેનોએ સી.આર. પાટીલને બાંધી રાખડી, મળ્યું દિલ્હી પ્રવાસનું રિટર્ન ગિફ્ટ
છેલ્લું અપડેટ : 26 Aug 2026
સોર્સ : gstv
ભાઈ-બહેનના અખૂટ પ્રેમના પ્રતીક સમા રક્ષાબંધન પર્વ પૂર્વે નવસારીના સર્કિટ હાઉસ ખાતે એક અનોખો સ્નેહમિલન સમારોહ યોજાયો હતો. નવસારી પ્રવાસે આવેલા કેન્દ્રીય જળશક્તિ મંત્રી સી.આર. પાટીલને ભાજપ મહિલા મોરચા અને તમામ ૧૩ વોર્ડની મહિલા નગરસેવિકાઓ સહિત ૫૦થી વધુ બહેનોએ એડવાન્સમાં કુમકુમ તિલક કરી રાખડી બાંધી હતી. બહેનોએ તેમના દીર્ઘાયુષ્ય અને સ્વાસ્થ્ય માટે પ્રાર્થના કરી હતી. સામે પક્ષે, બહેનોના આ અસીમ સ્નેહથી ભાવુક થયેલા કેન્દ્રીય મંત્રી સી.આર. પાટીલે એક સાચા ભાઈની ફરજ નિભાવી તમામ બહેનોને ખાસ 'દિલ્હી પ્રવાસ'નું ખાસ આમંત્રણ રિટર્ન ગિફ્ટ તરીકે આપ્યું હતું. આ અનોખી ભેટથી બહેનોમાં ભારે ખુશી અને હર્ષની લાગણી છવાઈ ગઈ છે.
