VIDEO: Mahesana મનપામાં ભળેલા ગામોમાં વિરોધનો વંટોળ ઉઠ્યો, ગ્રામજનોની ચૂંટણી બહિષ્કારની ચિમકી
છેલ્લું અપડેટ : 09 Apr 2026
સોર્સ : GSTV
મહેસાણા મહાનગરપાલિકામાં ભળેલા ગામોમાં વિરોધનો વંટોળ ઉઠ્યો છે. તાવડિયા અને ઉચરપી બાદ હવે દેલા ગામમાં પણ ચૂંટણી બહિષ્કારના બેનરો લાગ્યા છે. ભારતમાલા હાઈવે અને ઈન્ડસ્ટ્રિયલ ઝોનમાં પોતાની મહામૂલી જમીનો જતી હોવાથી ખેડૂતોમાં ભારે રોષ જોવા મળી રહ્યો છે.
ગ્રામજનોનો આક્ષેપ છે કે જમીનો છીનવાતા તેમની ખેતી અને પશુપાલન પર જોખમ ઊભું થયું છે. મામલો હાઈકોર્ટમાં હોવા છતાં ચૂંટણી જાહેર થતા રોષે ભરાયેલા લોકોએ "કોઈપણ રાજકીય પક્ષે પ્રચાર માટે પ્રવેશવો નહીં" તેવા બેનરો લગાવી દીધા છે. ઉમેદવારોના નામ જાહેર થાય તે પહેલા જ દેલા ગામના આ મિજાજે રાજકીય પક્ષોમાં ચિંતા વધારી દીધી છે.