VIDEO: કપડવંજના તાલપોડા ગામની શાળામાં મધ્યાહ્ન ભોજન કૌભાંડ પકડાતા કલેક્ટરે કુકને ફરજમાંથી મુક્ત કર્યા
છેલ્લું અપડેટ : 12 Sept 2026
સોર્સ : gstv
કપડવંજ તાલુકાના તાલપોડા ગામની પ્રાથમિક શાળાની કલેક્ટર એન.વી. ઉપાધ્યાયે ઓચિંતી મુલાકાત લીધી હતી. આ મુલાકાત દરમિયાન સ્થાનિકો અને વાલીઓ દ્વારા મધ્યાહ્ન ભોજન યોજનામાં મેનુ મુજબ પૌષ્ટિક કે ગુણવત્તાયુક્ત ભોજન ન અપાતું હોવાની ગંભીર રજૂઆતો કરાઈ હતી. આચાર્ય દ્વારા અગાઉ અનેકવાર સૂચનાઓ આપવા છતાં મેનુનું પાલન ન કરાતા અને ફરજમાં મોટી બેદરકારી સામે આવતા કલેક્ટરના કડક આદેશથી એમડીએમ સંચાલક કમ કુક રાઠોડ નેતલબેન અમિતકુમારને તાત્કાલિક અસરથી ફરજમાંથી એકતરફી મુક્ત કરવામાં આવ્યા છે. આ મામલે કપડવંજ મામલતદાર અને એક્ઝિક્યુટિવ મેજિસ્ટ્રેટ દ્વારા સત્તાવાર હુકમ જારી કરીને લાલમડવા પ્રાથમિક શાળાના સંચાલકને વધારાની જવાબદારી સોંપવામાં આવી છે.
