VIDEO: જૂનાગઢના ઝાઝરડા રોડના નાળામાં પાણી ભરાતાં ટ્રાફિક જામ, નાનું વાહન ફસાયું
છેલ્લું અપડેટ : 20 Sept 2026
સોર્સ : gstv
જૂનાગઢના ઝાઝરડા રોડ પર આવેલા નાળામાં સામાન્ય વરસાદમાં પણ પાણી ભરાઈ જવાની ગંભીર સમસ્યા સામે આવી છે. નાળામાં પાણી ભરાઈ જવાથી વાહનવ્યવહાર સંપૂર્ણપણે બંધ થઈ ગયો હતો અને રોડ પર ભારે ટ્રાફિક જામના દ્રશ્યો સર્જાયા હતા. આ દરમિયાન પાણીના પ્રવાહમાં એક નાનું માલવાહક વાહન ફસાઈ ગયું હતું, જેને સ્થાનિક લોકોએ ભારે જહમત બાદ સલામત રીતે બહાર કાઢ્યું હતું. દર ચોમાસામાં સામાન્ય વરસાદ પડતાં જ આ નાળુ ભરાઈ જાય છે, જેના કારણે સ્થાનિકો અને વાહનચાલકોને મોટી મુશ્કેલી વેઠવી પડે છે. મહાનગરપાલિકા દ્વારા આ પ્રશ્ને કોઈ નક્કર કાર્યવાહી કરવામાં ન આવતાં લોકોમાં ભારે રોષ જોવા મળી રહ્યો છે.
