VIDEO: નરસિંહ મહેતા યુનિવર્સિટીનો પરિપત્ર, જંગલી પ્રાણીઓથી બચવા સલાહ
છેલ્લું અપડેટ : 20 Sept 2026
સોર્સ : gstv
જૂનાગઢની ભક્ત કવિ નરસિંહ મહેતા યુનિવર્સિટી હાલમાં ભારે ચર્ચામાં છે. ગિરનાર જંગલની બિલકુલ નજીક આવેલી આ યુનિવર્સિટીના સંકુલ અને આસપાસના રસ્તાઓ પર છેલ્લા કેટલાક સમયથી વન્યજીવો તથા હિંસક પ્રાણીઓની અવરજવર વધી ગઈ છે. પરિસ્થિતિની ગંભીરતાને ધ્યાનમાં રાખીને યુનિવર્સિટી તંત્ર દ્વારા વિદ્યાર્થીઓ અને સ્ટાફની સુરક્ષા માટે એક ખાસ પરિપત્ર જાહેર કરવામાં આવ્યો છે. જેમાં જંગલ તરફના રસ્તે એકલા ન જવા અને વન્યજીવો સામે પૂરતી સાવચેતી રાખવા કડક સૂચના આપવામાં આવી છે. સાથે જ, વન સંરક્ષણ કાયદા અંગે જાગૃતિ ફેલાવી કોઈપણ ઇમરજન્સી પરિસ્થિતિમાં વન વિભાગનો તાત્કાલિક સંપર્ક કરવા માટે જંગલ ખાતાના હેલ્પલાઇન નંબર પણ જાહેર કરવામાં આવ્યા છે.
