VIDEO: માળીયા હાટીનાના ગૌશાળા સંચાલકો દ્વારા મુખ્યમંત્રીને આવેદનપત્ર આપી નિઃશુલ્ક ઘાસચારો અને સહાય વધારવાની માંગ
છેલ્લું અપડેટ : 10 Sept 2026
સોર્સ : gstv
જૂનાગઢના માળીયા હાટીના તાલુકામાં નહિવત વરસાદના કારણે ચોમાસુ પાક નિષ્ફળ જતાં ગૌશાળા સંચાલકો મુશ્કેલીમાં મુકાયા છે.. ચાલીસથી વધુ ગૌશાળાના સંચાલકોએ મામલતદારને આવેદનપત્ર પાઠવીને પશુધન માટે તાત્કાલિક ધોરણે વિનામૂલ્યે ઘાસચારો પૂરો પાડવાની ઉગ્ર માંગ કરી છે. આવેદનપત્રમાં હાલની પશુદીઠ ત્રીસ રૂપિયાની સહાય અપૂરતી હોવાનું જણાવીને તેને વધારીને એકસો રૂપિયા કરવાની માંગ કરવામાં આવી છે. જો વહેલી તકે યોગ્ય સરકારી સહાય નહીં મળે તો મૂંગા પશુઓનું જીવન જોખમમાં મુકાઈ જશે તેવી ગંભીર ચિંતા વ્યક્ત કરવામાં આવી છે, જેને લઈને તંત્ર દ્વારા ત્વરિત પગલાં લેવા અનિવાર્ય બન્યું છે.
