VIDEO: માળીયા હાટીના બેઠકો પર ભાજપે કર્યો વિજયનો દાવો, કાર્યકરોએ યોજ્યો રોડ શો
છેલ્લું અપડેટ : 24 Apr 2026
જૂનાગઢ જિલ્લા ભાજપના પૂર્વ પ્રમુખ ઠાકરશીભાઈ જાવિયાએ માળીયા હાટીના જિલ્લા પંચાયત અને તાલુકા પંચાયતની બંને બેઠકો પર ભાજપના ભવ્ય વિજયનો દાવો કર્યો છે. આ જીત સુનિશ્ચિત કરવા માટે ભાજપના ઉમેદવારો જીતુભાઈ સિસોદિયા, જીવાભાઈ સિસોદિયા અને ચાપરાજભાઈ સિસોદિયાએ સેંકડો કાર્યકરો સાથે માળીયા હાટીનામાં વાજતે-ગાજતે રોડ શો અને લોકસંપર્ક યોજ્યો હતો.
સ્ટેશન દરવાજા ચોકથી લઈને કોર્ટ ચોક સુધીની મુખ્ય બજારોમાં દુકાને-દુકાને જઈને નેતાઓએ પ્રચાર કર્યો, જેમાં ધારાસભ્ય ભગવાનજીભાઈ કરગઠિયા અને અન્ય દિગ્ગજ આગેવાનો જોડાયા હતા. લોકસંપર્ક દરમિયાન વેપારીઓ અને નાગરિકોએ ભાજપને સમર્થન આપવાની ખાતરી આપતા પક્ષમાં ભારે ઉત્સાહ જોવા મળ્યો હતો. ઠાકરશીભાઈએ જણાવ્યું કે હાલના માહોલને જોતા ભાજપના ઉમેદવારો જંગી લીડથી વિજેતા બનશે તે નક્કી છે. ચૂંટણીના અંતિમ ચરણમાં ભાજપના આ શક્તિપ્રદર્શને રાજકીય ગરમાવો વધારી દીધો છે.
