VIDEO: "TP સ્કીમ 1976ના કાયદા વિરુદ્ધ છે", ઝાંઝરડાના ખેડૂતોનો સત્તામંડળ સામે મોરચો
છેલ્લું અપડેટ : 24 Apr 2026
સોર્સ : GSTV
જૂનાગઢના ઝાંઝરડા ગામના સીમ વિસ્તારમાં અમલી બનાવાયેલી ડ્રાફ્ટ ટીપી સ્કીમ નંબર-5 સામે સ્થાનિક ખેડૂતોમાં ભારે રોષ જોવા મળી રહ્યો છે. ખેડૂતોનો આક્ષેપ છે કે આ સ્કીમ 1976ના કાયદાની જોગવાઈઓ વિરુદ્ધ છે અને તેનાથી અનેક જમીન માલિકો પાયમાલ થઈ જશે. આજે મોટી સંખ્યામાં ખેડૂતોએ જૂનાગઢ શહેર વિકાસ સત્તામંડળની કચેરીએ પહોંચી લેખિત વાંધા રજૂ કર્યા હતા. ખેડૂતોએ માંગ કરી છે કે પ્રક્રિયાની સમજૂતી સરળ ગુજરાતી ભાષામાં આપવામાં આવે, કારણ કે જટિલ ટેકનિકલ શબ્દોથી તેમને ગેરમાર્ગે દોરવામાં આવી રહ્યા છે. બીજી તરફ, અધિકારીઓએ જણાવ્યું કે વાંધા અરજીઓ માટે 27 એપ્રિલ 2026 સુધીનો સમય અપાયો છે, જેના પર કમિટી વિચારણા કરી સરકારને રિપોર્ટ સોંપશે. ખેડૂતોએ ચીમકી આપી છે કે જો માંગણીઓ નહીં સંતોષાય તો આંદોલન વધુ તેજ કરવામાં આવશે.
