Gandhinagar news: 'આરોપીઓનું જાહેરમાં સરઘસ કાઢવાનું બંધ કરો', ઇન્ચાર્જ DGPએ પોલીસને આપ્યો કડક આદેશ

 ગુજરાતમાં આરોપીઓના જાહેરમાં વરઘોડા કાઢવાના પોલીસના વલણ સામે ઈન્ચાર્જ DGP કે.એલ.એન. રાવે ચેતવણી ઉચ્ચારી છે. DGPએ સ્પષ્ટ શબ્દોમાં આદેશ કર્યો છે કે, 'આરોપીના વરઘોડા કાઢવાનું બંધ કરો.'

આ પણ વાંચો :

ગુજરાતને મળ્યા નવા લોકાયુક્ત, નિવૃત્ત જજ બિરેન વૈષ્ણવને રાજ્યપાલ આચાર્ય દેવવ્રતે લેવડાવ્યા શપથ

Gandhinagar news: 'વર્ક ફ્રોમ હોમ' મોડલ અંગે ખાનગી કંપનીઓ સાથે મિટિંગ કરીશું, PM મોદીની અપીલ બાદ મંત્રી કુંવરજી બાવળિયાનું નિવેદન

આરોપીના વરઘોડા કાઢવાનું બંધ કરો : ઈન્ચાર્જ DGP 

ગુજરાત પોલીસ દ્વારા આરોપીઓએ ગુનાહિત સ્થળે અથવા જાહેર સ્થળે લઈ જઈને  વરઘોડા કાઢવાની પદ્ધતિ સામે DGPએ કડક વલણ અપનાવ્યું છે. આ મામલે DGPએ લેખિતમાં આદેશ જાહેર કર્યો છે. જેમાં જણાવ્યું છે કે, આરોપીનું જાહેરમાં સરઘસ કાઢી નહીં શકાય અને તેમની સાથે અમાનવીય વ્યવહાર કરવું નહીં. આમ, આરોપીને જાહેરમાં લાત કે લાકડી મારવી નહીં. તેમજ તેમની પાસે જાહેરમાં માફી મંગાવી નહીં.'

સરઘસ અને વરઘોડાના નામે આરોપી સાથે કરાતા વર્તનને લઈને કડકાઈ દાખવતા DGPએ જણાવ્યું કે, 'આરોપીઓ સાથે ગેરવર્તણૂક કરવી નહીં. આરોપીઓ સાથે આ પ્રકારનું વર્તન થશે તો ઉચ્ચ કક્ષાએ જવાબ આપવો પડશે.' આમ, ગુજરાત હાઈકોર્ટના આદેશને પગલે નિર્ણય લેવામાં આવ્યો છે.