VIDEO: દેવભૂમિ દ્વારકા: વરસાદ ખેંચાતા મગફળીનો પાક નિષ્ફળ, ખેડૂતોએ ઉભા પાકમાં રાપ ફેરવી
છેલ્લું અપડેટ : 02 Sept 2026
સોર્સ : gstv
દેવભૂમિ દ્વારકા જિલ્લામાં મેઘરાજાની ઉદાસીનતાને કારણે માત્ર ૬ ટકા વરસાદ નોંધાતા જગતના તાતમાં ચિંતા વ્યાપી ગઈ છે. જામ ખંભાળિયાના લાલપરડા ગામે પાણીના અભાવે મગફળીનો ઉભો પાક સુકાઈ જતાં ખેડૂતે ૭ વીઘા જમીનમાં સનેડા વડે રાપ ફેરવી પાક કાઢી નાખવાની ફરજ પડી છે, જેનાથી હજારો રૂપિયાનું નુકસાન થયું છે. બોર અને કૂવા પણ ખૂટી જવાથી પશુઓના ઘાસચારા તથા પીવાના પાણીનો ગંભીર પ્રશ્ન સર્જાયો છે. આ વિકટ પરિસ્થિતિમાં ખેડૂતોએ સરકાર પાસે જિલ્લાને અછતગ્રસ્ત જાહેર કરી પાક નુકસાનીનું વળતર અને રાહત પેકેજ આપવાની ઉગ્ર માંગ કરી છે.
