અમદાવાદ-દ્વારકા વંદે ભારત ટ્રેનના સમયપત્રક સામે ભક્તોમાં ભારે નારાજગી
છેલ્લું અપડેટ : 01 Jul 2026
સોર્સ : gstv
પશ્ચિમ રેલવે દ્વારા અમદાવાદથી દ્વારકા માટે વંદે ભારત ટ્રેન શરૂ કરવાની જાહેરાત તો કરાઈ, પણ GSTVના ગ્રાઉન્ડ ઝીરો રિપોર્ટમાં ચોંકાવનારો ખુલાસો થયો છે. રેલવેનો દાવો છે કે યાત્રિકો એક જ દિવસમાં દર્શન કરીને પરત ફરી શકશે, પરંતુ હાલનું સમયપત્રક આ દાવાને ખોટો સાબિત કરે છે. ટ્રેન બપોરે અંદાજે ૧૨:૩૦ થી ૦૧:૦૦ વાગ્યે દ્વારકા પહોંચે છે, જ્યારે દ્વારકાધીશ મંદિર બપોરે ૧:૦૦ વાગ્યે બંધ થઈ જાય છે, જેથી ભક્તોને દર્શન માટે એક કલાકથી પણ ઓછો સમય મળે છે. વળી, પરત ફરતી ટ્રેન સાંજે ૫:૦૦ વાગ્યે ઉપડે છે અને મંદિર પણ ૫:૦૦ વાગ્યે જ ખૂલે છે, જેથી સાંજના દર્શન શક્ય જ નથી. આથી, યાત્રિકો હવે ટ્રેનના સમયમાં વહેલી તકે ફેરફાર કરવાની માંગ કરી રહ્યા છે.
