VIDEO: 'ગ્રામીણ વિસ્તારોમાં જેવો જોઈએ તેવો વિકાસ થયો નથી', ગુજરાત પ્રવાસે આવેલા સચિન પાઈલટના પ્રહાર
છેલ્લું અપડેટ : 13 Jul 2026
ગુજરાત - દાહોદ મુલાકાત દરમિયાન AICCના જનરલ સેક્રેટરી સચિન પાઈલટે જણાવ્યું, "આજે અહીં આવીને મને ખૂબ આનંદ થયો છે. મેં કોંગ્રેસના નેતાઓ અને પક્ષના કાર્યકરો સાથે મુલાકાત કરી છે. મારું અવલોકન છે કે ગ્રામીણ વિસ્તારોમાં જે પ્રકારનો વિકાસ થવો જોઈતો હતો તે થયો નથી. અમારા કાર્યકરોમાં ભારે ઉત્સાહ છે. જ્યારે પણ તક મળશે, ત્યારે લોકો અહીં કોંગ્રેસ પક્ષને મજબૂત કરશે અને તેને આગળ લઈ જશે."
અખિલ ભારતીય કોંગ્રેસ સમિતિ (AICC)ના મહાસચિવ સચિન પાઈલટ હાલ ગુજરાતના પ્રવાસે છે, જ્યાં તેમણે દાહોદ ખાતે સ્થાનિક પદાધિકારીઓ અને સંગઠનના કાર્યકરો સાથે બેઠક યોજી હતી. કાર્યકરોને સંબોધિત કર્યા બાદ પત્રકારો સાથેની વાતચીતમાં તેમણે ભાજપ સરકાર પર આડકતરા પ્રહારો કર્યા હતા.
સચિન પાઈલટે ગ્રામીણ વિસ્તારોના વિકાસ પર સવાલો ઉઠાવતા કહ્યું કે, અંતરિયાળ અને ગામડાના વિસ્તારોમાં હજુ પણ પાયાની સુવિધાઓનો અભાવ છે અને અપેક્ષા મુજબનો વિકાસ થયો નથી. તેમણે ઉમેર્યું કે, જમીની સ્તર પર કોંગ્રેસના કાર્યકરોનો ઉત્સાહ ઘણો વધારે છે અને આગામી સમયમાં જનતાના સમર્થનથી કોંગ્રેસ પક્ષ પ્રદેશમાં વધુ મજબૂત બનીને ઉભરશે.
