VIDEO: નસવાડીના પટુલી ફળિયામાં પાણી માટે હાહાકાર
છેલ્લું અપડેટ : 22 May 2026
સોર્સ : gstv
નસવાડી તાલુકાના નર્મદા કાંઠે આવેલા છોટી ઉંમર ગામના પટુલી ફળિયામાં વિકાસના દાવાઓ પોકળ સાબિત થયા છે. અહીંના 200થી વધુ લોકો પીવાના પાણી માટે ભારે હાલાકી ભોગવી રહ્યા છે. નર્મદાનું પાણી કેનાલ મારફતે છેક સૌરાષ્ટ્ર પહોંચે છે, પરંતુ કાંઠે વસતા આ ગ્રામજનો તરસ્યા છે. ઘરે-ઘરે નળ અને સંપ હોવા છતાં એક ટીપું પાણી આવતું નથી. આકરા તાપમાં મહિલાઓને બે બેડાં પાણી માટે એકથી બે કિલોમીટર પગપાળા જવું પડે છે. પાણી વિના પશુઓની હાલત પણ કફોડી બનતા તેમને નર્મદા કિનારે છૂટા મૂકી દેવા મજબૂર થવું પડ્યું છે. વારંવારની રજૂઆતો છતાં તંત્રના અધિકારીઓ ઘોર નિદ્રામાં છે.
