VIDEO: નસવાડીમાં રસ્તાના અભાવે સાપદંશ પીડિત મહિલાને સ્ટ્રેચરે ત્રણ કિલોમીટર ખસેડાઈ
છેલ્લું અપડેટ : 25 Jul 2026
સોર્સ : gstv
છોટાઉદેપુર જિલ્લાના નસવાડી તાલુકાના કુંડા નોલીયાબારી ફળિયામાં કાચા રસ્તાના અભાવે ગ્રામજનોને ભારે મુશ્કેલીનો સામનો કરવો પડી રહ્યો છે. પશુ ચરાવવા ગયેલી એક મહિલાને સાપ કરડતાં તાત્કાલિક સારવાર માટે હોસ્પિટલ પહોંચાડવાની જરૂર પડી હતી. પરંતુ રસ્તો ન હોવાથી વરસાદી વાતાવરણ વચ્ચે ગ્રામજનોએ મહિલાને સ્ટ્રેચર પર ઉંચકીને અંદાજે ત્રણ કિલોમીટર સુધી જીવના જોખમે લઈ જઈ 108 એમ્બ્યુલન્સ સુધી પહોંચાડવી પડી હતી. ગ્રામજનોના જણાવ્યા મુજબ આ રસ્તાને સરકારની મંજૂરી મળી ચૂકી છે, પરંતુ વહીવટી પ્રક્રિયા પૂર્ણ ન થતાં કામ શરૂ થઈ શક્યું નથી. પાકા રસ્તાના અભાવે સ્થાનિકોમાં ભારે રોષ અને અસંતોષ જોવા મળી રહ્યો છે.
