VIDEO : ભાવનગરમાં આવાસ યોજનાના બી-બ્લોકમાં અચાનક મોટું ગાબડું તૂટી પડતાં અફરાતફરી
છેલ્લું અપડેટ : 25 May 2026
સોર્સ : gstv
ભાવનગરના સુભાષનગર વિસ્તારમાં આવેલી આવાસ યોજનાના બી-બ્લોકમાં અચાનક મોટું ગાબડું તૂટી પડતાં અફરાતફરી મચી ગઈ હતી. દુર્ઘટનામાં નીચે પાર્ક કરાયેલા વાહનોને ભારે નુકસાન પહોંચ્યું છે, જ્યારે નજીકમાં હાજર કેટલાક બાળકો ઇજાગ્રસ્ત થતા તેમને સારવાર માટે હોસ્પિટલ ખસેડવામાં આવ્યા હતા. સ્થાનિક રહીશોનો આક્ષેપ છે કે ઇમારત લાંબા સમયથી જર્જરિત હાલતમાં હોવા છતાં તંત્ર દ્વારા કોઈ અસરકારક કાર્યવાહી કરવામાં આવી નથી. ઘટનાના પગલે વિસ્તારમાં ભયનો માહોલ ફેલાયો છે અને પરિવારો પોતાના તથા બાળકોની સુરક્ષાને લઈને ચિંતિત બન્યા છે. સ્થાનિકોએ તાત્કાલિક સુરક્ષા પગલાં લેવાની માંગ કરી છે.
