VIDEO: ભરૂચમાં નર્મદા જળ લેવા ૪૦૦થી વધુ કાવડિયાઓની ભવ્ય કાવડ યાત્રા યોજાઈ
છેલ્લું અપડેટ : 15 Aug 2026
સોર્સ : gstv
શ્રાવણ માસના પવિત્ર પ્રારંભે ભરૂચના નર્મદા તટે શિવભક્તિનો અદ્ભુત માહોલ જોવા મળ્યો હતો, જ્યાં સુરતના ઉધનાથી શિવ મિત્ર મંડળ સંઘ દ્વારા આયોજિત ૩૬મી પરંપરાગત કાવડ યાત્રા પહોંચી હતી. આ યાત્રામાં ૪૦૦થી વધુ શ્રદ્ધાળુઓ ઉત્સાહભેર જોડાયા હતા, જેના કારણે સમગ્ર ભરૂચ પંથક 'હર હર મહાદેવ'ના નાદથી ગુંજી ઉઠ્યો હતો. પદયાત્રા કરીને આવેલા ભક્તોએ વિધિપૂર્વક નર્મદા મૈયાની પૂજા-અર્ચના કરી પવિત્ર જળ કાવડમાં ધારણ કર્યું હતું અને શિવમય વાતાવરણ વચ્ચે સુરત પરત ફરવા રવાના થયા હતા. આ શ્રદ્ધાભરી યાત્રાએ સમગ્ર માર્ગને ભક્તિમય બનાવી દીધો હતો.
