Video: અંબાજી મંદિરમાં નવરાત્રીના ચોથા દિવસે ભક્તોની ભારે ભીડ, મંગળા આરતીમાં જોડાયા હજારો ભક્તો
છેલ્લું અપડેટ : 25 Sept 2025
સોર્સ : gstv
આસો નવરાત્રિના ચોથા દિવસે શક્તિપીઠ અંબાજી મંદિરમાં ભક્તોની ભારે ભીડ ઉમટી પડી હતી. વહેલી સવારથી જ મંદિર પરિસર 'બોલ મારી અંબે, જય જય અંબે'ના નાદથી ગુંજી ઊઠ્યું. હજારો ભક્તો માતાજીની આરાધના માટે એકઠા થયા હતા.
નવરાત્રિમાં વિશેષ મંગળા આરતી
આસો સુદ બીજથી આસો સુદ આઠમ સુધી રોજ સવારે બે મંગળા આરતીનું આયોજન થાય છે. પ્રથમ આરતી ગર્ભગૃહમાં થાય છે, જ્યારે બીજી આરતી ઘટ સ્થાપના પાસે યોજાય છે. વહેલી સવારથી જ અંબાજી મંદિરમાં ભક્તોની લાંબી કતારો લાગી ગઈ. પ્રથમ આરતી પછી બીજી મંગળા આરતીમાં પણ અનેક ભક્તો જોડાયા, જેનાથી વાતાવરણ ભક્તિભાવથી ભરાઈ ગયું.
સુરક્ષા જવાનો પણ આરતીમાં જોડાયા
મંદિરની સુરક્ષા માટે તૈનાત જવાનો પણ આરતીમાં જોડાયા. સુરક્ષા વ્યવસ્થા મજબૂત હોવાથી ભીડ વ્યવસ્થિત રીતે નિયંત્રિત રહી. આરતી દરમિયાન 'જય જય અંબે'ના જયઘોષોથી મંદિર પરીષર ગુંજી ઉઠ્યુ.
