VIDEO: યાત્રાધામ અંબાજીમાં ફરી એક વાર મેઘરાજાની એન્ટ્રી, વરસાદથી વાતાવરણ ખુશનુમા બન્યું
છેલ્લું અપડેટ : 12 Aug 2026
સોર્સ : gstv
બનાસકાંઠા જિલ્લાના યાત્રાધામ અંબાજી અને આસપાસના વિસ્તારોમાં હવામાન વિભાગની આગાહી મુજબ વહેલી સવારથી જ આકાશમાં કાળા ડિબાંગ વાદળો વચ્ચે ધીમીધારે વરસાદ શરૂ થયો છે. અંબાજી પંથક સહિત દાંતા, હડાદ અને અરવલ્લીની ગિરિમાળાઓમાં મેઘરાજાની પધરામણી થતાં સમગ્ર વાતાવરણમાં આહ્લાદક ઠંડક પ્રસરી ગઈ છે.
જોકે, અંબાજીમાં માત્ર થોડા જ વરસાદમાં પોલીસ સ્ટેશન આગળ મુખ્ય રોડ પર પાણી ભરાઈ જવાની સમસ્યા ફરી સામે આવી છે. વરસાદી માહોલ સર્જાતા એક તરફ વાતાવરણ નયનરમ્ય બન્યું છે, તો બીજી તરફ રસ્તા પર પાણી ભરાતાં વાહનચાલકો અને સ્થાનિકોને અગવડતાનો સામનો કરવો પડી રહ્યો છે.
