VIDEO: ગુજરાત ATS દ્વારા 13 શંકાસ્પદ આતંકીઓની ધરપકડનો મોટો ખુલાસો
છેલ્લું અપડેટ : 27 Jul 2026
સોર્સ : gstv
અમદાવાદમાં ગુજરાત એટીએસ દ્વારા તેર શંકાસ્પદ આતંકીઓની ધરપકડના મામલામાં ચોંકાવનારા ખુલાસા થયા છે. એટીએસની તપાસમાં સામે આવ્યું છે કે ઝડપાયેલા આતંકીઓમાંથી બે શખ્સો જમ્મુ-કાશ્મીરમાં કુખ્યાત આતંકી સંગઠન જેશ-એ-મોહમ્મદના કેમ્પની મુલાકાત લીધી હતી અને ત્યાં તેમને ખાસ તાલીમ તથા સૂચનાઓ અપાઈ હતી. શરૂઆતમાં જેશના આતંકીઓને આ લોકો પર વિશ્વાસ નહોતો, પરંતુ જમ્મુ ગયા બાદ વિશ્વાસ બેઠો હતો. આ જૂથ છેલ્લા ત્રણ વર્ષથી કેનાલ પાસે બ્લાસ્ટની પ્રેક્ટિસ કરી રહ્યું હતું અને આઠમાંથી બે વખત તેમને સફળતા પણ મળી હતી. આ મામલે એટીએસની ટીમ હવે જમ્મુ જઈને વધુ તપાસ કરશે અને તેઓ ક્યા આતંકીઓને મળ્યા હતા તેની પણ સઘન તપાસ ચાલી રહી છે.
